新計劃，新開始，當然要有啟動禮啦！【賽馬會「趣看文言」戲劇教育計劃】啟動禮即將舉行，我哋除咗會介紹我哋嘅計劃，仲會分享一啲戲劇教學小貼士，而且邀請到參加過7A戲劇 X 文言嘅老師分享經驗，學生點樣透過7A嘅戲劇教學活動，講下學生點樣由好驚古文變成享受學文言文！
活動回顧：啟動禮🎈🎈
喺天氣不穩同交通受阻嘅情況下，我哋依然舉行咗【賽馬會「趣看文言」戲劇教育計劃】啟動禮，正式開始未來三年嘅計劃。感謝各位來賓到場支持，亦感謝幾位校長同老師分享過往參加我哋「戲劇X文言」戲劇教育活動嘅經驗：同學由對文言文耍手擰頭，變成主動爭取排練文言說書表演，又可以幫助到學校嘅德育及語文科教學！💯💯
演教員團隊今次亦分享咗少少巡迴選段同埋教學方法，想親身經歷好玩有益嘅文言學習旅程，大家記得要繼續留意我哋各項學校及公眾活動消息喇～📚
