感謝藝發局「文化交流計劃」嘅資助，我哋19/6-24/6會全團前往韓國首爾，拜訪當地藝團、與當地藝術家同埋藝術行政進行交流，仲會去睇當地唔同規模嘅音樂劇添！
「港韓文化交流🎭」交流日記：Day 1 (2023.06.19）
經過一輪舟車勞頓，我哋終於嚟到首爾，出席今次其中一個重要活動：欣賞【港韓讀劇（韓國站🇰🇷）】嘅《學會呼吸》讀劇演出！雖然睇嗰陣，成日唔係好知佢哋講到邊（識韓文嗰啲當然冇問題啦～），但係導演加咗影像，演員造型上亦都有啲線索，睇過香港演出嘅觀眾應該認得出嘅～
港韓讀劇（韓國站🇰🇷）《今年初雪，把失戀完結！》「我們的初雪」
「港韓文化交流🎭」交流日記：Day 2 (2023.06.20）
今日行程超級豐富！先去拜訪Woo Company，佢哋經常將韓國經典短篇小說改編成青少年劇目，然後全國巡迴。同佢哋交流一下兩地製作經驗，開心！
Woo Company
下晝緊接同另一個劇團Play Signature，一邊Tea一邊互相分享音樂劇製作經驗，又係開心！
晚上先係戲玉—欣賞「港韓讀劇（韓國站🇰🇷）」嘅第二個讀劇作品《今年初說，把失戀完結！》！聽住熟悉嘅音樂，望住韓國嘅演員用韓文唱番套戲入面嘅歌，感覺好得意！希望呢個戲可以有機會喺韓國正式演出啦！
「港韓文化交流🎭」交流日記：Day 3 (2023.06.21）
其實呢，今日嘅行程係冇拜訪韓國劇團嘅，但係我哋冇偷懶，有繼續文化交流㗎！其中一站就係去咗睇一齣Mega Musical 《1976 Harlan County》，觀摩一下！呢齣音樂劇係一個大約1000觀眾一場嘅韓國原創音樂劇，故事以美國哈蘭縣煤礦村勞動運動作為藍本，講述一班礦工對抗礦山公司橫行嘅過程。演員陣容強勁、台、燈、聲、音樂、影像互相配合，製作規模都大大哋㗎！同場仲見到粉絲等音樂劇明星演員嘅墟冚場面添，大開眼界㗎！
「港韓文化交流🎭」交流日記：Day 4 (2023.06.22）
今日嘅馬不停蹄真係不得了：拜訪+拜訪+觀劇x3 先嚟拜訪韓國國立劇團！佢哋係當地旗艦劇團，有自己嘅劇場（呢一刻有3個，裝修完將會有4個添～），現任藝術總監金光甫，就係《大象陰謀》嘅韓國版導演，同佢傾偈真係獲益良多！緊接就係拜訪幸福者劇團！佢地嘅演出多數以家庭同青少年為目標，經常獲唔同嘅資助，去全國巡演推廣戲劇。今日仲有幸參與佢地圍讀劇本添！
韓國國立劇團
幸福者劇團
晚上就全團兵分三路睇演出，三套各有千秋，一致讚好： 1. 《黑官邸住著誰？》2018年面世，2020年首演，2022年獲得「韓國第六屆音樂劇獎（400座席）」三個大獎：劇本、音樂（作曲）、作品獎！ 2. 《Bernarda Alba》獲得第三屆音樂劇獎小劇場「音樂劇獎」！ 3. 《Laundry》長壽音樂劇，已經演出左5724場！
全日行程豐富，滿載而歸！
「港韓文化交流🎭」交流日記：Day 5 (2023.06.23)
話咁快就嚟到第五日～今日拜訪嘅劇團就係Never Ending Play，佢哋雖然創團三年，但已經有唔少嘅代表作品，其中一部作品，就係「港韓讀劇（香港站🇭🇰）」嘅《初選議員》啦！
嚟到喺首爾最後一晚，梗係都去睇音樂劇啦！今晚分成兩隊，分別去睇《SIX》同《98%》。
百老匯音樂劇《SIX》喺2022年獲得Tony Awards 八項提名，當中原創作曲及服裝設計（音樂劇）都獲得獎項。而音樂劇《98%》係一套比較新嘅音樂劇，大概公演咗兩個月左右咋。
